洪永城靠戇居多job接

藝員洪永城、莊思敏、羅蘭、古明華與高層余詠珊等昨日在將軍澳電視城為「微電影五部曲」拜神，被指是余詠珊「愛將」的洪永城被重用拍攝有關科幻題材的微電影，他笑說：「隨緣啦，角色戇居居啱我啫，喺TVB冇人夠我戇居，愛將如果冇實力都好快落番嚟嘅。」莊思敏笑問說：「咁你有冇實力？」洪永城說：「咁要大家拭目以待啦。」莊思敏笑謂與羅蘭對稿也感心寒。

洪永城工作多多，今次與莊思敏合作拍微電影。

而洪永城與黃翠如六月將會拍攝《走過浮華大地》亞洲篇，有傳主持之一的湯洛雯被飛，洪永城則說：「佢有其他工作啫。」另外，近期是非多多的黃翠如出席另一活動，講到與田蕊妮不和傳聞，她否認與阿田不和，亦覺得杜汶澤所指摘造新聞的人並不是指她。對於被指有余詠珊撐腰而工作多多，她說：「拍劇嗰啲嘢佢唔會知，佢仲問番我拍緊乜，只可以話TVB藝人特別多新聞，工作人員呢排都攞啲新聞嚟笑我。」

電視撈飯：洪永城戇居居做主角

無綫J2台開拍《微電影五部曲》，洪永城同莊思敏等噚日喺電視城開鏡拜神，貴為余詠珊愛將嘅洪永城今次仲為微電影打頭陣，佢話：「咁啱個角色適合我啫，成個角色戇居居，冇人喺TVB比我夠戇居，仲唔係我做？愛將呢啲嘢如果冇實力，好快會落番嚟。」佢仲叫大家拭目以待，又話主持旅遊節目叫做有迴響，所以自己先有得做落去。