close
同你吟一吟
張家輝快閃血拼
女人買衫，由揀款到試身，花一個鐘時間係等閒事，換轉係男人，尤其係唔多打扮嘅張家輝，試身到俾錢，真係十五分鐘都嫌多。
上個禮拜五（五月三日）晚，《壹》仔响中環見到張家輝衝咗入有「貴版 H&M」之稱嘅歐洲品牌 COS買衫。
去到男裝部，職員見到七料影帝殺到，即刻上前服侍，張家輝亦唔客氣，見到心頭好，就地剝衫試上身。
試得急，俾錢更急，去到收銀處，張家輝周身唔自在，郁身郁勢等職員幫佢埋單。快閃 shopping，最終買咗兩袋衫走人。乜都要急，佢首次執導嘅電影《盂蘭神功》，應該好快手拍完，超時超支，唔會啦！
張家輝連試身室都懶得入，就地除衫試身，再嗱嗱聲俾錢走人，前後唔使十五分鐘。 
首次做導演嘅張家輝，搵嚟劉心悠同吳家麗做女主角，更力 sell佢呢部處男作，集重口味同驚嚇於一身，下個月飛去大馬拍攝。 
撰文︰八珍
全站熱搜
留言列表
