close
同你吟一吟
徐子珊為黃子華捱餓
嚟緊可以同福將黃子華合作拍無綫新劇嘅徐子珊，上星期五（三日）出席雜誌頒獎活動，已經著住條加細碼裙，但兩邊夾圈位一樣鬆泡泡，搞到見到 nude bra膠紙。
上鏡唔算肥嘅徐子珊話因為黃子華太瘦，自己一拍埋去就成個肥婆咁，嚟緊新劇佢哋做一對，所以要再減多啲襯番對方。徐子珊話佢而家每日只係中午嗰餐有飽飯食，其餘時間，齋飲果汁，希望盡快瘦到。
上星期三（一日），《壹》仔喺金鐘太古廣場，撞到徐子珊行超市上糧，買咗兩籃嘢，大部分都係菜同生果，減肥襯子華，徐子珊絕對唔係空口講白話。
去超市入貨，徐子珊大部分時間都停喺蔬果區，買完嘢放上車，自己推番架購物車埋一邊，好有手尾。 
見到《壹》仔，徐子珊揮手笑晒。 
著加細碼衫都鬆到走光，四眼哥仔乘虛而𥄫，眼都唔眨。 
同場有份出席活動嘅仲有新劇收視滑鐵盧嘅視帝祥。 
撰文︰八珍
全站熱搜
留言列表
