吳千語遇「新歡」 失魂差錯腳
【蔡志豪澳門直擊】林峯女友吳千語前晚行騷時與緋聞男友Jimmy同場，男方緊張得耷頭玩手機，女方則扮看不到對方，但行騷時表現失魂一度差錯腳！另外，千語昨日到澳門玩SKYWALK，竟直言林峯尚未入圍其「屋企人」一欄。
無綫小生林峯與19歲女友吳千語一直打得火熱，但最近有傳千語與雜誌編輯Jimmy密會，令男方大動肝火，千語急急在微博澄清，解釋只是一班朋友的聚會。千語前晚為時裝品牌行騷，適逢Jimmy亦有到場，但他不時頭耷耷玩手機，只抬頭望千語一眼，千語亦特地不走往他附近及避開眼神接觸，更表現失魂差錯腳，未大合照又行錯返後台。
認雙方成日都見
事後千語表示因台面不夠光才差錯腳，又稱沒為意Jimmy是否在場：「冇特登避，係朋友成日都見。（同阿峯講？）我哋每日都知對方行程，同邊個一齊，阿峯都識佢，對我好放心！（你好激動澄清？）唔係，佢（Jimmy）唔係呢行，見佢咁畀人寫有啲無奈。（減少見面？）大家都有另一半，冇咩好誤會，講到我有異性就有嘢咁！」
吳千語緋聞男友Jimmy坐在觀眾席，並望實千語，但兩人刻意沒對望。
千語與Rick Chin在澳門旅遊塔玩SKYWALK，危坐塔邊，相當牙煙。
林峯
半天吊感覺牙煙
另外，昨日千語與化妝師Rick Chin到澳門338米高的旅遊塔，為now TV觀星台節目《CHIN與千尋》拍外景，他們玩SKYWALK時大風又下雨，仍要危坐塔邊雙腳離地，相當牙煙，期間被安全帶「勒緊褲頭」的Rick整個身體從後緊貼千語，動作「親密」。千語表示事前簽下「免責書」，但只需簽自己名字，問到他日會否將林峯列入受益人？她說：「會寫屋企人。（男友？）佢未係屬於屋企人個圈裏面。（叫佢寫你？）唔需要用咁嘅方法去證明（愛），有咁諗法好恐怖。」
另外，張栢芝被指因腰傷而退出跳水訓練，卻拍到與兩子在酒店游泳，好友Rick代澄清：「佢唔係腰傷，係有啲痛，之前醫生驗咗佢十年前個舊患，唔可以再傷。（佢仲生？）諗住o架！（同邊個？）咁一定唔係我。（有新戀情？）未有，我都想佢快啲有好人家。」
採訪：名人組、影視組
千語BB避緋聞男仆一仆
#video_player{width:100%;height:100%;}
■吳千語前晚與傳緋聞的雜誌編輯Jimmy巧合同場，認真有緣。
吳千語與林峯打得火熱，早前林峯才公開高呼七次好愛BB，但日前千語BB卻被爆背男友偷食，更有指她與雜誌編輯Jimmy過夜而激嬲林峯，事後千語BB在微博否認緋聞。
不過前晚千語BB到跑馬地為時裝品牌行騷，她和Jimmy又巧合同場出現，Jimmy亦在台下睇騷，但他全程玩電話，到千語行騷時他才望了一眼，反而千語BB十分避忌，行騷時沒有與他有接觸，未知是否怕被傳媒拍到合照，千語BB避忌得在台上仆一仆，險些當場跌倒。事後千語死撐說因台上環境太暗，看不清楚才幾乎跌倒。
對於與Jimmy同場，千語BB強調不會尷尬，並說：「大家好friend，佢有講會嚟，不過太黑我睇唔到佢。」千語直言每日都會與林峯聯絡，互相交代工作，她說：「每日做乜嘢對方都知，佢睇完報道冇唔開心，咁無聊，而且佢知係好朋友，大家各自有另一半，唔會誤會，佢好清楚，佢明白大家有朋友，同男仔出街食飯冇問題。」
■吳千語似乎刻意避忌，現場未與緋聞男友Jimmy有眼神接觸。
■馬詩慧（右）和女兒結伴到場，兩母女無論樣貌高度都十分相似。
■吳千語和Rick Chin昨日在澳門玩skywalk。
受益人不寫林峯
而千語BB昨日與化妝師Rick Chin到澳門旅遊塔為now拍攝《Chin與千尋》節目，兩人更在塔外試玩skywalk，他們事前做足安全措施，兩人更一前一後擺甫士影相，點知Rick Chin因下體束住安全帶導致下體激凸，所以合照時動作略為不雅。
原本大會指兩人會玩笨豬跳，但昨日卻臨時取消，他們否認縮沙，千語BB則直認未ready跳，男友事前亦知她會來玩。現場要他們簽下免責聲明，至於如要寫受益人時會否寫林峯？千語就說：「會寫家人，佢未係屬於屋企人圈裏面。」
採訪：何慧斯、溫敏芝
攝影：陳順禎、黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網http://hk.add.nextmedia.com睇番足本網上版，除咗有專訪外，仲有好多時裝靚嘢睇！
留言列表
