close
同你吟一吟
鄺美雲三代做好心
經常同愛犬 Cash形影不離嘅鄺美雲，星期日（五月五日）趁寶貝仔十歲生日，連埋孫仔 Euro三代同堂，一齊去大圍老人院做義工。
當日兩仔爺喺訓練員指導下即場表演跳欄、跳呼拉圈，睇到班公公婆婆拍晒手掌，之後 Cash仲逐一向班老人家送上法式濕吻，生日行善積福。
Cash轉眼十歲，鄺美雲話往年生日可以一日內走幾間老人院做巡迴表演，而家年紀大咗怕佢太辛苦，今年只係去一間，夜晚嘅生日 party，亦只係响屋企舉行，唔想 Cash再舟車勞頓。
狗媽唔易做，同樣家有兩犬嘅趙式芝同「老公」 Sean楊茹心，兩公婆由開飯沖涼扮靚全部親力親為。早排《壹》仔响跑馬地撞到阿 Sean，落住大雨又冇遮，泊好車再落地跑，原來趕住去寵物店買狗用品，冒雨又隨時抄牌破財，幾大就幾大啦！
示範雙腳站立， Cash最聽話，反而 Euro四圍擰，要鄺美雲踎低教訓。
全站熱搜
留言列表
