close
同你吟一吟
葉德嫻讚茶餐廳咖喱
時下女性，即使唔使靠面口搵食，都有鋪執眼耳口鼻癮，搞到個個唔似人唔似鬼。
甘願面對現實嘅，簡直難得，好似八料影后桃姐葉德嫻，出街永冇整色整水，背囊必定前孭，我行我素作風，有時真係嚇你一跳，但亦不得不佩服！
上星期四（五月二日）晚八點， Deanie姐同朋友揸車過中環食飯，食到差不多十點，行返新世界大廈停車場攞車，仲見到《壹》仔「得」响度，影后以為《壹》仔兩粒鐘都冇行開過，忍唔住問：「你唔使食飯咩？」
壹：「食咗啦！我落咗灣仔食，你呢？」
葉：「我喺翠華，嗰度啲咖喱最好食。」
壹：「搵日試吓先。」
葉：「早啲返屋企休息啦。」
閒話幾句，六十五歲葉德嫻所關心嘅，不離食同瞓，舊式人，不過， old is good！
影后平時出街，永遠零妝加背囊前孭，行過閂門鞋店，葉德嫻望吓鋪頭名記住。
中環泊車又煩又貴，好多人都求其擺喺街，葉德嫻穩陣泊停車場，免得抄牌。
全站熱搜
留言列表
