遠睇誇喇喇上周三（ 15日）影展開幕典禮，妮歌身穿 2013年 Christian Dior春季花花裙，充滿田園氣息，配上粉紅色高踭鞋，更係畫龍點睛。 

來路貨

康城甩漏事件

康城影展啱啱開幕，日日 press con晚晚紅地氈，鬼咁星光燦爛。
尤其係女星，搶風頭晒行頭，仲唔藉機爭妍鬥麗咩？不過世事邊有咁完美！呢一刻 show off啫，下一個 moment唔小心，分分鐘出醜都未定。

妮歌潔曼核突在細節

即將 46歲嘅妮歌潔曼（ Nicole Kidman）早排以評審身份出席康城影展。假假哋半個主人家，梗係渾身解數日日換衫，勢以最靚姿態示人。
講真喎， 1.8米高，模特兒身形，配埋一條表情紋都冇嘅 Botox「膠面」，簡直係女神典範。不過細心一睇，嘩，對手做乜老過我阿婆？個背脊點解厚過肉檔砧板？睇嚟妮歌要搵 Botox膠膠佢喎。

老人手細心一睇， 46歲嘅妮歌竟然有對滿布皺紋嘅老人手，平日瘦底嘅佢，背脊驚現一截截肥肉，相當礙眼。 

肥背脊 

19/5L’ Wren Scott評審之一嘅妮歌日日換衫，天天新款。周日（ 19日）佢更帶埋歌手老公 Keith Urban出席《 Inside Llewyn Davis》首映，晒衫兼晒恩愛。 

15/5Alexander McQueen 

14/5Christian Dior

茱莉安摩亞條條 fing腳趾

同樣都係開幕禮，同樣都係 Christian Dior 2013年春季晚裝，但茱莉安摩亞着得比妮歌失色。至慘烈係對腳，涼鞋過細包唔晒腳趾，搞到兩邊尾趾凸晒出嚟，無家可歸咁可憐。

伊娃朗歌莉亞落雨惹的禍

香港不停落雨，就連康城都係一樣。上周六（ 18日），一身粉綠 Versace嘅靚太伊娃朗歌莉亞，頻頻拎高裙襬避免整濕晚裝，拉下拉下，唔覺意走埋光。內裏冇着底褲，仲露出疑似棉條嘅物體，睇完真係要洗眼。

范冰冰透紅色護墊

「國際范」向來艷壓紅地氈，不過今屆影展慘被初次登場嘅張雨綺搶咗唔少風頭，同時着得太多 Elie Saab，被指驚喜欠奉。可能因為咁，冰冰喺上周五（ 17日）舉行嘅蕭邦午宴，刻意奇招發圍。米白 Elie Saab內透紅色胸墊喎，想點呀？

同日下午，冰冰喺成龍新作《 Skiptrace》記招上，以輕盈嘅 Chris by Christopher Bu格仔套裝亮相。可惜海風太大，吹到飛起晒。華人之光變咗走晒光。

奇洛李維斯走樣肥到漏

奇洛李維斯早排密密來港拍攝處女導演作《太極俠》。不過向來靚仔嘅佢，唔知點解走晒樣，樣又肥髮型又核突，對比上年 3月出席香港活動時（左圖），完全兩個樣。

會見傳媒都叫剃咗鬚梳好頭髮，活動前一日（ 19日）仲衰吖，滿面鬚根，雙下巴，個頭仲油𣲷𣲷。大家可以向昔日靚仔嘅奇洛講聲「拜拜」。

撰文：娛樂組