close


現金交易羅康瑞摷緊荷包之際，翠翠立即先發制人搣定獎券，咁多港姐見證住，羅康瑞嗱嗱聲拎張金牛出嚟，現金交易成功。

媽咪姐

港姐總有瘋狂時

雖然港姐質素一年不如一年，但依然吸引唔少女仔參加，務求殺入娛圈做無綫姐仔，又或者加入慧妍雅集去 ball識番啲達官貴人。上周六（ 18日），慧妍雅集搞咗個慈善 ball，歷屆唔同年代嘅港姐都盛裝赴會。姊妹難得聚頭，一班港姐都零舍 crazy。

葉翠翠狂啅羅康瑞

叫得慈善 ball，當然會叫一啲善長仁翁買抽獎券籌款。近日被指變臉升級嘅葉翠翠，真係自信心返晒嚟，當晚佢全程積極搵老闆。翠翠目標清晰，專向有知名度老闆埋手，好快就啅到朱玲玲老公羅康瑞捐出千元大鈔，港姐搵錢招數真係犀利。


遠距離𥄫翠翠一見到羅康瑞，好快就喺 ball場另一邊急步趕過嚟，同另一港姐王愛倫夾手夾腳𠱁羅康瑞捐錢。 

捐完交人被翠翠狂啅完畢，羅康瑞都好識做，立即行番去朱玲玲身邊報到。 

張嘉兒孤立馬賽

雲集幾十位港姐，大合照當然係指定動作。正當大家排排企等攝影師數一二三時，張嘉兒就先拔頭籌攞部電話自拍留念先，企喺附近嘅佳麗立即攝位，不過企喺大側邊嘅馬賽，似乎唔敢埋堆，有得睇冇得影。張嘉兒係 07年冠軍，馬賽係 08年季軍，照計冇代溝，但兩位當事人全程冇偈傾，認真奇怪。

李詩韻送墊

除咗馬賽被孤立，李詩韻似乎同其他港姐都唔啱 key。當晚佢經常一個人喺場內行行企企。可能唔受注目嘅關係，李詩韻決定以奇招殺出，火紅色低胸裝附送胸墊，都算賣大包。

唐貝詩驚心

港姐又關唐貝詩事？冇錯呀！因為佢媽咪寇鴻萍係 1982年港姐季軍，兩母女當然拍住上去 ball啦！論驚心動魄度，當晚所有港姐似乎唔夠唐貝詩呢位妹妹仔撼。佢一招俯身幫阿媽拉裙腳，除咗表現孝順聽話外，仲大送驚人 4吋事業線。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄