close


娜姐鬼馬嘞，無啦啦跳起身，連條白色底底都彈埋出嚟俾人睇。哎吔，點解我影咗咁多本寫真都失手嘅？（設計對白） 

媽咪姐

肉女周秀娜露純情底

有傳周秀娜同男友陳偉成（ Avis）分手後暴瘦，體重一度跌至 88磅，連咪咪都縮到變小峽谷，真係我見猶憐。

 

冇見一排，娜姐終於肥番，連佢自己都話體重上番 100磅以上。可惜吖，咪咪冇受惠，嗰 12磅肉全數撥捐俾佢對大髀！唔怪得一向戰鬥格嘅佢，周一（ 20日）出席《超級無敵獎門人終極篇》嗰陣，收起小峽谷，轉晒 dum dum下嘅肉腿。啱嘅，大家都係鍾意睇肉。唔止咁，再望上啲，娜姐仲有意無意露埋白色底底。哦，原來着闊身短褲仔係有預謀嘅！


娜姐食相吸引，但佢對「𠺘𠺘下」嘅肉腿仲過癮！ 

娜姐𠌥低身，冇肉睇嘅？望落啲，咪成條米芝蓮肥腰唧晒出嚟囉！ 

情敵 Vivian搏出血

周秀娜半上岸都仲咁搏！過氣情敵 Vivian羅彩玲，梗要「青出於藍」，上下齊露，仲整色整水整埋泡泡！佢同媽咪姐講呢個係 7月殺入會展嘅寫真新 look，「白泡泡感覺好似白色天使咁，加咗顏色係咪好似甜姐兒咁呢？」坦白講，媽咪姐睇見你大髀嗰條「血路」，覺得似 SM多啲囉。


Vivian為新一輯寫真整色整水，但露底，又整到成腳好似流緊血水咁款，真係嚇死人多過會引死人囉。 

問到知唔知緋聞情人兼娜姐前度陳偉成（ Avis）入咗院， Vivian即時劃清界線，話唔知對方生日兼入院喎。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄