close
插圖： Wendy
揞名爆
「震震豬」扮大牌𤓓咗！
公仔箱嘅姐仔「震震豬」人緣一向麻麻，之前仲無啦啦走去教同劇演員做戲，搞到俾人杯葛，差啲被 out！
嗱，一個人麻煩，當然唔係一朝一夕嘅事，媽咪姐最近就收到單「笑料」嘞。話說「震震豬」有次約咗雜誌做訪問，係威係勢咁帶埋個記者去時裝店借衫影相。呢位選美出身嘅姐仔，可能自覺有「跟班」，忽然自我升呢！猛點售貨員幫佢攞衫，又問人佢個襯法好唔好睇，總之煩到不堪，係都要人注意到佢呢個「大明星」囉。
之但係，唔係事實嘅，就算你點整色整水，都唔會變成事實。 Sales妹妹淨係記得你 N年前姣搶過人哋男友「鬧鐘」，完㗎嘞。所以全程無乜人騷「震震豬」，對佢十問九唔應。一個字，𤓓！
全站熱搜
留言列表
