close
插圖： Wendy
揞名爆
「清潔班」上堂變傳銷
今時今日做傳媒，有時真係幾慘！市場上嘅競爭唔多，發展機會細咗，有啲老細又唔知諗乜，總之就幾騎呢都有！
好似某傳媒之前搞咗個「清潔班」，個個員工都要去上堂，話要佢哋自我增值喎。但上完有乜得着呢？咪就一味叫你歌功頌德、隱惡揚善囉。唉，咁大家但求每月𢭃份糧，養妻活兒啫，惟有硬食啦！
不過，世上原來沒有最騎呢，只有更騎呢！「清潔班」最初都搵到有啲名氣嘅人嚟做導師，但由於所有導師都係無錢收嘅，漸漸已經搵唔到有分量嘅人嚟做。近排呢，仲勁！情況已「進化」到搵個所謂嘅營養師嚟教大家健康知識。 Well，雖然成班員工都唔明點解無啦啦要好似小學生咁，又學「營養金字塔」，但都算！咪當坐吓涼吓冷氣囉。點知……阿營養師講講吓卡路里，忽然攞啲保健產品出嚟狂 sell，直情將課堂當傳銷講座咁做！聽到成班員工 O晒嘴。大家心諗，嘩！我哋人工已經奀㗎啦！你唔係仲嚟 sell我吓嘛？你話嘞，我哋打工仔係咪好難撈呀！
全站熱搜
留言列表
