close
出外埠
少時 Jessica 有對飛毛腿
近年食正韓風，乜嘢都要搵個韓星嚟撐一撐，對韓國藝人嚟講，難得有錢搵又可以增人氣，簡直係天上掉下一個大餡餅，又點會 say no呢？係咪﹗
星期日（ 19日），少女時代成員之一嘅 Jessica（鄭秀妍）又應邀出席一個品牌活動，以一襲淡黃色背心連身裙 sell青春。見佢一直笑面迎人，對 fans送晒飛吻，鬼咁熱情，一改以往寸爆態度。
「少時」一向以美腿為標記，所以媽咪姐嘅注意力集中喺佢對美腿。冇錯，遠睇 Jessica對腳又直又瘦，真係幾靚㗎。但近鏡睇清楚，噢，媽媽咪呀！原來佢對腳不單勁多小黑點，毛孔仲非常粗大，同美腿兩字相差咗十萬八千里囉。
唉，幾靚都只可遠觀，媽咪姐明白鳥。
條裙有小低 V，露半吋事業線，只算小兒科，但 Jessica就不停以手揞胸。係咪有啲小題大做咗啲呢？ 
Jessica活動當日，吸引唔少男粉絲捧場。 
2PM T恤冇人吼
韓國有「野獸組合」之稱嘅 2PM，時隔兩年回歸樂壇，當佢哋興致勃勃戮力谷歌之際，卻俾 MBC電視台爆出一單𤓓到爆嘅醜聞。話說舊年 5月，佢哋所屬嘅 JYP事務所同一間服裝公司簽約，幫 2PM生產 5千件「概念 T恤」。乜嘢為之「概念 T恤」呢？就係粉絲可掃描 T恤上面嘅 QR Code下載 2PM嘅歌。本來呢，噱頭唔錯，可惜粉絲竟然唔賣帳，由舊年到今年足足一年，只賣得 140件，但 JYP只肯俾銷售得益嘅港幣 3萬 2千蚊，但冇支付 70萬嘅生產費。
講真， 2PM成兩年冇出碟，人氣難免跌 watt，今次新專輯反應又一般，佢哋老闆朴軫永真係要諗諗計先得咯﹗
2PM為回歸樂壇造勢，成員晒肌騷胸谷新碟《 Grown》。 
舊年，公司為 2PM推出牙刷、帽同可掃描 QR Code（黃框）下載歌曲嘅概念 T恤，可惜全部滯銷。公司蝕得慘，承包嘅服裝公司收唔到錢，更係慘、慘、慘！
全站熱搜
留言列表
