close


食完飯出嚟伍姑娘條眉依然解唔開，睇怕練海棠要加多幾錢肉緊𠱁老婆仔囉！ 

媽咪姐

愁爆伍姑娘搵老公呵

《金枝貳》跌破新低，上個禮拜收視連廿點都過唔到，只得 19點，慘不忍睹。就算有如妃鄧萃雯同編劇周旭明網上互數幫補人氣，但睇個勢，《金枝貳》唔腰斬已經執身彩！

 


把口𠱁唔掂，練海棠就用隻手搭實老婆膊頭，用身體語言話俾伍姑娘知佢有幾撐佢！ 

如妃俾人話有難就跳船，至於另一女角伍詠薇，之前講明恨到口水流要拍《金枝貳》，初期就算收視麻麻，依然戮力瞓身宣傳。可惜形勢未能逆轉，眼見自己心血冇人欣賞，就算平時大癲大肺嘅佢，都難免心情唔靚。前幾日夜晚九點，媽咪姐見到伍姑娘孖住老公練海棠同幾個朋友去中環食飯，平時笑得豪邁嘅伍姑娘，嗰晚唧都笑唔出，托住個頭一味聽老公講嘢，成餐飯就似足當晚天氣咁愁雲慘霧。唉！見到伍姑娘個樣，媽咪姐諗起六個字──恨得到未必好！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄