close

社交圈

騷俾你睇

成班明星過大海睇艷舞，未睇到熱血沸騰，已懂得自己 natural high，又用鞭又嘟嘴當熱身；無睇艷舞的何超瓊，只去自家公司活動一樣 high爆。

何超瓊做知客

由何超瓊一手湊大的天機公關，上週六在時代廣場搞廿五周年相展，心情靚靚的 Pansy，早到之餘又肯跟記者吹水，「我識整西餅同豬腸卷㗎。」最正是她全程化身知客，頻頻拉嘉賓埋布景板影相，嚇得常避鏡頭的邢嘉倩面有難色；佢突然又 sell屎上身，拉住個世姪女（圓圖）到記者面前介紹，「佢叫 Charmaine，係手袋設計師……」更即場孭住對方設計的手袋硬銷，大顯公關公司老闆娘本色。

趙式芝好 dry

上週四，趙式芝同波爾錶太子女楊如芯去澳門睇《 TABOO色惑》騷，趙式芝鬼馬地用鞭篤女伴（小圖），又咬鞭扮肉緊，唔通佢哋有另類情趣？「平時好 dry，所以出嚟玩吓……講笑啫！平時都無乜特別。」對於場內的露胸猛男，佢唔多領情，「佢哋好大汗，唔慣，但俾佢摸住影埋張相先。」


陳嘉桓露牌

過氣林峯舊愛陳嘉桓，穿上幾嚿水的 Zara大露背裙出現相展，她當然爭取機會，好落力轉左轉右風騷晒玉背，點知不慎露出個價錢牌。咦？據知 Zara無 sample衫借俾明星，唔通佢諗住買咗唔剪牌，著一次然後退貨？

伍詠薇公然出軌

帶埋老公練海棠睇色惑騷的伍詠薇，居然敢攬住老公又調戲身邊猛男扮錫錫，伍姑娘仲碌大眼話：「好 high！絕對啱我同老公睇。」平時兩公婆有乜情趣先？她說：「我哋老土啲，攬住牆當跳鋼管舞，係搞笑版。」


撰文、攝影：名人組

arrow
arrow
    全站熱搜
    創作者介紹
    創作者 tvblive 的頭像
    tvblive

    tvblive娛樂八掛大放送★

    tvb4life 發表在 痞客邦 留言(0) 人氣()

    E-mail轉寄