探熱針
苟芸慧谷脂肪執金
攻城計令人氣急升外，苟芸慧不斷膨脹的身形，同樣是城中熱話。
自稱因為壓力大導致水腫，還被外界冠以「肥苟」，感覺不受尊重，但實情肥苟有心自肥，無非等纖體公司獻身上釣，肥苟既以「新城嫂」之名收大嚿代言酬金，又有纖體公司免費幫自己減肥，何樂而不為。
肉壓香香
苟芸慧個個禮拜都有搵錢活動，更乘機加「苟糧」，出騷由四萬跳到八萬。荷包脹，肥苟身形更脹，日前同香香岑麗香出席活動，一個瘦到見骨，一個肥到爆衫，十分搞嘢。
肥腫難分情況日益嚴重，肥苟居然話已經瘦咗：「我有去焗桑拿、通淋巴，去咗六磅水，其實女仔有少少肥係福氣，我明白瘦先叫專業，其實有好多工作都鍾意我肥嘟嘟。」
對於傳聞公司下聖旨，要肥苟閉關七日減十磅，她同樣有解釋：「我下個月要拍劇，做女警，都想瘦，希望回復當年選華姐身材，我知公司有幫手接觸纖體公司，不過我想減得健康，用中醫減肥會適合我。」
而同場的香香，亦開口為好姊妹抱不平：「可能我呢排忙拍劇，少食零食，望落瘦咗少少，其實佢（指肥苟）唔使減肥，人只要開心就會靚。」
115磅肥苟話，靠推淋巴已經瘦咗六磅，希望可以回復當年選華姐身材。 
有城城幫手發功，榮升「新城嫂」的肥苟經常有搵錢 job送上門，一個月唔夠，已經進脹百萬。
有心谷肥
夏天是各大纖體公司谷宣傳的黃金檔期，自○九年獲選國際中華小姐冠軍後，肥苟未曾著過泳衣示人，加上有「新城嫂」封號，著三點式瘦身肉照，對減肥及宅男市場，絕對有吸引力。
「纖體公司一向出得起錢，你睇鍾嘉欣平日著衫連事業線都唔多見，偏偏肯同纖體公司影三點式廣告，嚿錢有幾大，都唔使多講。」纖體界人士說。
肥苟口說公司有幫手搵減肥公司，實情無綫乜都無做過，甚至向外「放流風」逼肥苟減磅，藉此希望有纖體公司自動送上門「打救」，令肥苟的代言價碼拉得更高。
「主動搵客實俾人㩒價，倒不如將計就計，叫苟姑娘肥多兩錢重，到時實有客主動搵上門，而家佢出騷價係咁升，公司都幫佢嗌到十萬，更何況著三點式做纖體代言人呢。」知情人說。
好姊妹同場搵錢，對比去年十二月二人拖手仔出席《萬千星輝頒獎典禮 2012》，肥苟身形，勁吹脹！ 
被指介入「富黛戀」，肥苟被插做小三，有份演出的《金枝慾孽貳》因廣東話欠佳，被取笑係「 ABC宮女」，但肥苟夠 EQ，仲話個新花名好得意。 
平日連低胸衫都唔著的鍾嘉欣，卻願意為纖體公司影三點式廣告，如果肥苟瘦得番，呢個 look，一定殺食。 
撰文、攝影：娛樂組
留言列表
