蜂巢芋角酥$14/三件蜂巢狀的外皮其實是芋蓉，用高技巧將薄薄芋皮包裹芋肉炸成，香脆鬆化，最難得是無油膩味。 

庶民飯堂

慢工出點心

「如果唔願意等呢十分鐘，請去第二度食。」名點的老闆說得夠狠。事緣有街坊指，名點的點心質素算好，但等候時間太長。作為一間在大圍剛開業兩個月的點心鋪，老闆回應得好有火。「點心是否新鮮熱辣，關乎我們鋪頭聲譽。」重名聲，因為老闆陳先生與拍檔打算建立點心王國，另有三間分店在同區及牛頭角已經預備開幕。

點心由中央工場製作，鋪內師傅再加工。「蝦餃、燒賣統統即叫即蒸，其他炸點如芝士蝦春卷、芋角酥等，都是客人柯打後才炸。」大廚蘇師傅，已有十六年入廚經驗，曾任日本福臨門海鮮酒家、美心大酒樓的點心師傅。轉做平民店，仍沿用考究製法，如一口沙翁，將麵粉團放入約廿二度低溫油中，花十五至廿分鐘慢慢燙熟，比其他點心店用百幾度高溫油炸，速度慢一半，但健康得多。點心用料亦不遜色，如鋪在燒賣面的大蝦，是高質素的越南白蝦，體積比普通蝦大三分之一，蝦身肉厚味濃。「即拉腸粉、蒸包，製作時間至少要十分鐘。寧願要客人等，也不想做翻熱食品。」趕時間的話，去便利店叮啦。

一口沙翁$12/三件師傅減低糖分，以少油及低溫炸成，食落外層香脆，內裡鬆軟可口，連吃三件也不覺飽膩。 

春風得意腸$20磨米成漿拉出腸粉皮，口感軟糯。餡料用米網包裹蘿蔔絲炸成，鬆化有層次，坊間多以春卷或油炸鬼為餡，放耐了易變硬。 

黑松露蘿蔔絲酥$22/兩件咬開即感受到菌香撲鼻，酥皮層鬆脆，蘿蔔絲煮得軟腍，入口即融化，甚有水準。

名點
地址：大圍積信街 31-51號安信樓地下 A號鋪
電話： 2602 3666
營業時間： 10am-12nn
泊車：積信街咪錶位$8/小時

撰文：鄭鳳　
攝影：陳家維