夾死蟻當日有韓國一級整形醫生在場,但 Jessica C.話唔使麻煩人哋嘞,淨係想去黑眼圈啫。啱嘅,睇相都知,夠晒啦!
媽咪姐
Jessica C. 無得輸
喺啱啱過去嘅星期日,「警鐘胸」 Jessica C.同「冇乜胸」嘅 Mandy Lieu,以及「有啲料」陳煒出席一間美容公司嘅剪綵活動。
雞飛狗走Jessica C.一坐低, Mandy Lieu成個人側身避開!見慣風浪嘅煒哥呢,無咁明顯,係扁吓嘴啫。
睇牌面,已經知道「警鐘胸」一定搶鏡,但現場見埋真人嘞喎,不得了! Jessica C.個胸就好似裝咗嚿大磁石,將所有攝影機吸晒過去。 Mandy Lieu同陳煒呢,陪坐囉!不過, Jessica C.好謙虛咁話:「我個胸同荷里活女星比係好細,我都有問過男朋友使唔使隆胸?佢話唔使,但我着超 deep V會好似平胸咁,所以要用 push up。」係真唔係呀?「警鐘」硬嘢嚟㗎噃,如果你似平胸,建議要追究物料供應商喎, Jessica囡囡。
全站熱搜
留言列表