跳到主文
部落格全站分類:視聽娛樂
娛樂八掛大放送★
娛樂 週刊 雜誌(2014)☆
娛樂 週刊 及 雜誌(2012)☆ 娛樂 週刊 及 雜誌(2013)☆
近排滕麗名同陳年舊男友魏駿傑隔空罵戰,男嘅呻同女友拍得耐冇激情所以唔結婚,女嘅就自爆男方分手後,多番求復合。臭屎密冚,媽咪姐都係嗰句,相嗌唔好口,大人大姐咁鬧法,對兩個形象都唔好嘛!
魏駿傑把口唔收俾人鬧冇風度,至於同樣係阿滕舊男友嘅郭政鴻,就聰明得多。同阿滕拍拖咁耐,郭政鴻就否認咁耐,有咩手尾都唔易上身啦。前幾日,媽咪姐仲見佢拖實同佢生咗兩個女嘅老婆,拍拖去街市買餸,即使買棵葱都同老婆有商有量,恩愛度爆燈。舊嘅唔去新嘅唔嚟,魏生阿滕,不如嘈少句跟郭政鴻學嘢罷啦!
郭政鴻同老婆日前到九龍城街市拍拖買餸,其間郭太輕搭老公仔條腰,十分恩愛。 兩公婆拍拖行街市行足 45分鐘,買斤菜都有商有量,最後郭政鴻更幫手拎晒所有餸,錫老婆錫到燶! 滕麗名同魏駿傑拍拖多年,家陣一個有妻有女,另一個有未婚夫,但為咗啖氣搞到隔空罵戰,醜死鬼!
tvblive娛樂八掛大放送★
tvb4life 發表在 痞客邦 留言(0) 人氣()
留言列表