上流滙
白攻
白色,令人聯想起純潔、優雅,同樣亦與肥腫扯上關係。今季除了奪目的螢光色大熱,一向是夏天必備的白色當然唔少得。名媛靚太統統以白裙示人,化身白仙子攻入 ball場。
榮文蔚 貴氣淑女 Christian Dior( Good)
Ricky評︰「呢條長袖長裙好襯佢,入型入格。呢個大膊款要有少少肉地先好睇,而開胸設計將佢豐滿身材表露無遺。珍珠白嘅手袋、耳環襯得啱啱好,有高貴感覺。」
劉嘉玲 復古美人 Giambattista Valli( Good)
汪詩詩 簡潔青春 Christian Dior( Good)
Ricky評︰「佢身形高大,着娃娃裙感覺修長,媽媽級都着到青春味道。白裙唔一定襯淺色鞋,襯對黑色涼鞋反而撞出另一感覺。若加條鑽石鏈點綴吓就更加 perfect。」
徐濠縈 型格 sharp醒 Topshop( Good)
Ricky評︰「白色 jumpsuit腰線明顯,令細細粒嘅佢變得好修長,桃紅絲襪好突出,撞埋白色涼鞋成為焦點。配上膠質嘅 clutch,有型又富時代感。」
周汶錡 時尚潮模 Topshop( Good)
錢慧儀 清爽舒服 Simone Rocha( Good)
Ricky評︰「傘裙唔一定十八廿二先啱 feel,好似呢條向日葵花裙,傘位啱啱好,凸顯佢 keep得幾好嘅身形。裙質料透薄,好有夏天清爽感覺。」
張燊悅 濃妝水桶 Julia Clancey( Bad)
Ricky評︰「條裙嘅剪裁好似水桶咁,令佢冇晒線條,而一字膊嘅設計仲加上 details,再配大耳環,令佢好大隻。妝容太濃,眼同嘴都好誇張,好似面具咁。」
翁嘉穗 圓潤少婦 Valentino( Pass)
Ricky評︰「裙款斯文,係佢一貫打扮,不過裙款腰線唔明顯,而且白色令佢更見圓潤,手臂亦覺肥。恤衫裙款領口位已經遮頸,再放長曲髮嘅話,視覺上更肥,變咗啤梨身形。」
宜揀輕身質料
profile
星級形象指導郭慶彬( Ricky Kwok),曾被邀到巴黎時裝周欣賞 Chanel、 Valentino等大牌 fashion show。近年他由形象指導變身為潮店老闆,於銅鑼灣開設時裝店。
留言列表