close
「平日怕斯文打扮 formal，可以撞對特色鞋款，將黑色褲腳 roll起，襯黑色襪，可以拉長成個比例，配埋鮮色 clutch，成個人都醒神啲。」
上流滙
男鞋經 郭慶彬
郭慶彬對鞋款特別講究，家中收藏過百對鞋，潮鞋以高筒款為主。 
「夏天要有鮮色打扮，成個人都有光彩啲。 casual打扮唔一定要襯白波鞋咁死板，揀對今季 hit嘅螢光色夠晒搶。」
金屬色易襯
「今季 metallic都屬大熱，可將焦點放喺鞋度，配襯簡單。好似成身深色打扮，襯對金色波鞋，成個感覺型格唔少。不過金屬色嘅漆皮好容易花，比其他款冇咁耐用。」
大熱必入款
型格返工鞋
「高筒波鞋買大一個碼，再加軟墊更舒服。呢個款我好鍾意，佢 cutting好舒服、易襯，最緊要價錢唔貴。佢每季都會出唔同色，加入特別元素，好似呢對白色潑油款係我近期至愛。」
皮鞋揀膠底
「鞋櫃一定要有幾對皮鞋看門口，用嚟去隆重場合。有啲靚皮鞋係木底，始終較重，會着到好攰。所以我揀皮鞋，除咗睇款，最緊要有個舒適嘅底，好似生膠或者有 air咁，外形斯文得嚟又可以有波鞋咁舒服。」
保養貼士
郭慶彬指要令衣物歷久常新，首要學識保養三大要點。「我可能有潔癖，覺得對鞋成日周圍去，踩到好污糟。所以每次着完，我要清理乾淨，先安心放好佢。」
＊每次着完用濕布將鞋由面到底抹乾淨，用擦膠擦走污漬。
＊放於通風地方吹一晚，將濕氣吹乾。
＊為免弄花鞋面，將鞋個別用布袋套好，才放入鞋盒。
潮男愛高筒
近年不少大牌力捧男裝中、高筒波鞋，加入前衞元素，玩味十足，型格得來又出得大場面，成為潮男恩物。
王大業Christian Louboutin 
陳冠希Givenchy 
黃偉文Giuseppe Zanotti
撰文：蔡靜雯
攝影：陳偉強
全站熱搜
留言列表
