我唔會再答佢啲嘢！（真實對白）烚熟影相 攞住兩袋外賣的山聰，對住鏡頭擺出烚熟面口。記者趁機問他點睇超雲新戀情時，他煩躁地說：「我唔會再答佢啲嘢！」
滾熱辣
超雲晒新男友 𤓓爆山聰搵胞兄買醉
5月初何超雲從英國返港後，即在 facebook將感情狀況轉為單身，暗示與 36歲的陳山聰兩年情玩完。分手唔夠一個月，上周六（ 25日），超雲已帶着廿多歲新仔，高調往中環 IFC拍拖睇戲。兩日後更上載盆栽圖片，暗喻新戀情萌芽晒幸福，擺明落山聰面。
反觀失雲聰連日來卻蝸居九龍灣麗晶花園居屋，繼續晝伏夜出。據知失雲聰從英國箍煲返港後，還一直以為與超雲有得「𢺳」，即使美容中心 Regen以 80萬高價找他做代言人，他都 hold住唔敢接。
不過，隨着超雲新歡上場，山聰箍煲夢碎，心情跌落谷底。周一（ 27日），他惟有搵胞兄 Joseph買醉解悶。雖然山聰在鏡頭前強擠笑容，但提起超雲拖新仔，酸爆的他難掩怒火︰「我唔會再答佢（超雲）嘅嘢。」
4月尾，山聰赴英狂箍超雲，更被周刊拍下兩人「最後的晚餐」，未幾兩人前後腳返港，加上女方返港時一直冇認甩拖，令不少傳媒以為兩人假分手，就連男主角陳山聰亦以為這段情有得𢺳。
「超雲一直以來都冇同山聰正式講分手。喺英國期間，兩人仲玩埋煮飯仔，山聰向女友認晒低威，以為女友會回心轉意。佢哋拍拖期間，超雲稍有唔鍾意，都會玩失蹤，山聰以為今次女友只係發小姐脾氣，佢當時仲未意識到自己已被飛，仲諗緊等女友返港後點樣𠱁番佢，不過實情係超雲已經部署好撇佢。」知情者說。
食雞碌卡
周一（ 27日）晚上 8時，山聰坐住胞兄架車，由麗晶花園寓所出發，到食慣食熟、位於紅磡的「一品雞煲火鍋」叫外賣。其間他發現記者影相，便立即拎信用卡埋單，睇落豪氣。
灌德國啤
山聰連人帶雞與胞兄到東涌某私人屋苑。嘆雞唔夠一小時，二人便落樓到附近酒吧飲德國啤酒 Hoegaarden。山聰大啖大啖飲啤，看來他又想買醉。
鬼婆撩 talk
其間有名外籍女士見到記者狂影山聰，便走到山聰旁邊撩吹水。記者發現山聰英文不俗，看來早前跟超雲去得多英國，日子有功。
忽然托腮
外籍女士離開後，原本情緒高漲的山聰，向胞兄傾訴時，不時托腮。
微醉 high爆
略帶醉意、面紅紅（小圖）的山聰，離開酒吧時，肉緊地與記者傾偈。提到早前艾威叫他出書，他笑說：「唔會啦……不過都要多謝佢。」
英國試新戀情
據知山聰未去英國，超雲的幾位好友已暗飛倫敦陪她，更密密為她介紹新仔，不少還是富二代。年僅 24歲、有錢有青春的超雲，當然不愁冇巿場，飛來蜢陸續有來。「超雲班 friend知佢決定撇山聰，個個都介紹男仔俾佢，最近俾傳媒影到同佢睇戲嗰個靚仔，係超雲死黨 Vincent個 friend，都係 ABC，屋企有啲家底。超雲第一次見對方已經有 feel，交換電話之後好快就單獨約會。」
超雲攜新歡上場勁風騷，反觀被丟棄的陳山聰不堪人財兩雙，頻頻找好友及親人飲酒買醉，鬱悶難舒。繼早前找來好友郭政鴻訴苦後，周一（ 27日）晚，其胞兄 Joseph亦出動安慰失雲聰。
當晚 7時許，山聰由胞兄駕車到紅磡「一品雞煲火鍋」買外賣。其間他見傳媒影相，強擠笑容，但難掩殘爆面容。記者問他近況，他笑笑口死撐︰「幾好呀！」但當記者問到超雲新戀情時，他突然面色一沉說︰「我唔會再答佢啲嘢！」問到會否祝福超雲，山聰木口木面當聽唔到。
低胸會仔
25歲 ABC
超雲新歡年約 25歲，身高五呎十吋，身形中等，屬 ABC一名。當日他亦以 casual打扮密會超雲，與超雲襯到絕，不過他一見記者影相，便全程頭耷耷，非常怕醜。
寓意戀情萌芽
周一（ 27日）凌晨，超雲於 instagram上載一張盆栽幼苗相，更寫下：「種了三日，已經長出小草了。」擺明寓意與新歡的戀情正在極速萌芽，低調地肉麻。
密友做媒
據知超雲透過密友兼形象指導 Vincent介紹下認識新歡。超雲與 Vincent相交多年，私底下更以「 Ba Ba」（爸爸）稱呼對方。
特價隊啤買醉
投靠關楚耀
山聰箍煲無望，無綫亦唔肯接收。為求𢱑撈，月中他就被拍得透過關楚耀（中）的介紹，與沈嘉偉主理的 I.T高層會面。
蒲到爛醉
為了成功投身時裝界，陳山聰陪 I.T高層飲到爛醉都在所不計。飛的返家，更有想嘔跡象。
失 80萬廣告
超雲話咁快投入新戀情，但早前依然發緊「豪門夢」的山聰，卻一直蒙在鼓裏。據知山聰月初由英國返港後，韓國醫療集團 REGEN曾高薪找他出任代言人，但他卻為箍煲痛失 80萬廣告。
據知 REGEN好有誠意，初時出價 40萬搵山聰做半年代言人，還表示會掟百萬做密集式宣傳，令他曝光率大增。雙方初次商討是山聰從英國箍煲返港後第二天（ 5月 4日）。初時山聰都表示有興趣，只欠細節未傾。不過，自超雲 5月 8日從英返港，山聰態度突變，更向廣告商開出天價，聲言要 100萬才拍。
「其實山聰當時心大心細，佢以為同超雲仲有得𢺳，怕女友唔鍾意佢拍廣告，於是特登開個天價，諗住拖住廣告商先，再靜觀其變。後來廣告商肯加碼至 80萬，但佢連覆都唔覆。拖拖吓，人哋見佢遲遲未覆，咪不了了之。最近他主動翻𢱑話 80萬都 OK，但廣告商已另覓人選。」知情人說。
就此事向 REGEN負責人馮小姐求證，她表示︰「係有搵過山聰做代言人，皆因覺得佢潮人形象啱。（係咪 80萬搵佢拍？）廣告費係商業秘密，不便透露，但佢都值呢個價，我哋好有誠意同佢合作！（最後因為山聰出天價傾唔掂？）每個人心目中都有個價，呢個係原因之一，但我亦唔排除將來大家有合作。」
操弗再戰娛圈
昔日，超雲與山聰相戀，不但要求男友與多年髮妻 Pony離婚，為了將山聰升呢，更要他與圈中人斬纜及謝絕一切藝人工作。而山聰為求入豪門，不惜得罪圈中好友及監製，全職侍候女友。現在，他不但返唔到娘家無綫拍劇，更為箍煲連 80萬廣告都冇埋，見財化水，犧牲認真大。
痛定思痛，山聰豪門夢醒，惟有積極另謀後路。近日他頻頻健身，務求以最短的時間操弗身材，更聯絡好友關楚耀，打算開闢時裝品牌。儘管「四失」，路還是要繼續行，山聰硬住頭皮聯絡以往的圈中好友，希望有轉機重返娛樂圈。冇得做賭王女婿，惟有繼續返回現實世界捱騾仔！
整容一站式
三太：超雲人生經驗未夠
三太為女解圍
超雲與山聰拍拖至分手，都成為大眾焦點，但二人卻甚少向傳媒交代戀情，故三太陳婉珍每次出席東華活動時，例必被記者追訪。
孖公仔
向來衣着大膽的何超雲，每次拍拖愛以情侶裝見人，為求襯到絕，她決心改變自己形象，務求打扮與另一半愈見相近。難怪她與新歡睇戲時，又突然轉 casual look啦！
浮誇扮潮
青春日系
何家女多戀事
賭王何鴻燊兒女戀事一向惹人關注，三、四房兒女的私生活多姿多采，戀事浪接浪。除超雲外，三房的超蓮和四房的超盈，近日又有新聞。
超蓮 力撐男友
超盈 再撻愛兒
留言列表
