close


撞車失魂忽然撞車嘅蘇康驚魂未定，唔記得戴番副招牌超都不特止，呢頭着緊件褸，嗰頭又除番低，完全唔知自己想點。 

媽咪姐

蘇永康甩轆飛腩

當安仔同 Sammi喺東京風流快活，估唔到佢嘅老死蘇康就忽然黑仔！呢個周三（ 29日）嘅下晝，佢試完將喺雷頌德演唱會着嘅歌衫，揸住女友 Anita㗎 Mini Cooper返屋企。點知去到薄扶林附近，架車失控橫掃路邊一排鐵欄，連個頭轆都飛咗出嚟，兩個安全氣袋又彈出。嘩！驚險到呢，好彩個人無事，係𤓓啲囉。

 

蘇康事後同媽咪姐講，話佢藥物同酒精測試都 past晒㗎！只係揸揸吓車，見到有貓科動物黑影行過馬路，一扭軚閃避，就搞到撞車！佢仲話撞爛咗女友部車，就可以順勢送部新車俾佢喎。男人講嘅嘢，聽住先啦。不過，今次撞車真係搞到蘇康亂晒，平時貪靚嘅佢，竟然全無意識挺胸收腹，腩肉 dum dum吓，陰功豬咯。不過，都係嗰句，最緊要個人無事啫！


嘩！蘇康架 Mini撞爛咗 5、 6米嘅鐵欄！睇吓個轆，爛到呢，好驚喎。 

一向周身名牌，唔靚唔着嘅蘇康，難得着件緊身白底衫見人，啲腩肉仲飛晒出嚟！同部車一樣，無眼睇咯。 

警察叔叔大概見蘇康六神無主，所以醒啲嘢佢做吓，叫佢幫手揸軟尺度路面距離，頭耷耷嘅蘇康惟有照做。 

啱啱去完試衫嘅蘇康，慘遭車禍，架車被拖，惟有抽住一袋二袋，好似走難咁款。好在，充滿同情心嘅《忽周》記者主動提出車佢返屋企，先唔使面懵懵截的士。 

 


撞爛我架 Mini，就係咁意買番架波子啦！（設計對白） 

今次蘇康揸嘅 Mini Cooper係拍拖 7年、圈外女友 Anita名下嘅。啱嘞！近年佢密密開 Big Four演唱會，係時候買架新車，送俾女友開心吓啦！

arrow
arrow
    全站熱搜
    創作者介紹
    創作者 tvblive 的頭像
    tvblive

    tvblive娛樂八掛大放送★

    tvb4life 發表在 痞客邦 留言(0) 人氣()

    E-mail轉寄