韓劇《最佳李純信》中,首次擔正做女一嘅 IU,拍住實力派男演員趙正錫。劇中, 19歲嘅 IU仲同 32歲嘅趙正錫由鬥氣變戀人,齋睇外形,二人都算登對。
韓面
玉女轉形 IU一劇翻生
19歲韓國玉女掌門人 IU,上年 11月錯手上載自己與 Super Junior成員銀赫疑似床照,玉女變蕩女,唔只搞到一身蟻,歌途更沉底,好彩最近轉戰電視界拍韓劇《最佳李純信》,一擊即中翻生!
由 IU首次擔正的韓劇《最佳李純信》,講逆境求存嘅故事,唔只似足 IU本人近排的星途,而故事情節有喜有淚,打動唔少韓國觀眾心。《最》劇由 3月頭播放至今,最高收視曾攀升至 29.8%,成同期韓劇之冠,要畀 like。
侮辱將軍
劇情有血有肉,至今已播出 14集的《最》劇,最高收視曾高達 29.8%,而上年人人讚好睇,由 JYJ有天主演嘅《屋塔房王世子》,最高收視都係得 17.3%,《最》劇絕對稱得上係今季劇王。
雖然收視集集升,但《最》劇於拍攝途中亦遇上不少阻滯。早前因女主角李純信名字的韓文發音,與著名抗日將軍李舜臣相同,劇中不少演員拿這個人名來開玩笑,被不少網民認為是在侮辱李舜臣將軍,之後更有韓國青年聯合會告上法庭要求停播。而 KBS電視台方面表示會配合法院的傳召,但企硬話沒有改名及停播打算,更強調指責侮辱李舜臣將軍的人,大部分是不喜歡 IU的網友借題發揮,與人名無關。
老豆慘死《最佳李純信》一劇,最慘一幕就係純信老豆不幸遇上交通意外身亡,從此純信就要逆境求存。而導演尹盛植希望透過劇中李純信角色引起社會共鳴,從而為大家帶來心靈治療效果,好有深度。
母女共勉自老豆身亡,純信就要同阿媽互相扶持,咁鬼煽情,肯定感動唔少韓國觀眾。
做番自己IU飾演嘅純信,夢想係做明星,所以劇中唔少得佢唱歌表演,對佢嚟講係 easy job。
玉女獻吻有悲慘亦有溫馨場面,劇中 IU同飾演娛樂公司老闆嘅趙正錫由鬥氣寃家演變成情侶,更上演一幕錫嘴戲,對玉女 IU嚟講,真係一大突破。
攻日唔掂
純情變野性出道 5年嘅 IU,一直走純情妹路線,但眨下眼𠵱家已經 19歲,最近轉型,唔紮辮扮𡃁妹,露腿呻脷,嘗試野性造型,唔通想將錯就錯,唔再玉女?
上年因錯手將自己同 SJ銀赫嘅疑似床照上載上網,搞到玉女形象幻滅,星途一度凍過水。
上年尾, IU(左)同 miss A嘅秀智(右)擔任《 SBS歌謠大戰》司儀,期間緋聞男友銀赫咁啱同場,當秀智訪問銀赫(紅圈)時, IU同銀赫一直迴避對方目光。
韓文碟遲遲未推出,但早於上月 20日, IU已在日本推出日文 EP《 Can You Hear Me?》,但連 10大都唔入,歌唱事業似乎仍未翻生。