Wesley唔介意俾人知佢有女友，而佢女友劉凱茵（ Denise）就喺連卡佛做 OL。雖然背景唔同，但二人好恩愛。網上圖片 

FBI

趙雅芝細仔北京試戲

講開明星二代入娛圈，其實趙雅芝細仔黃愷杰（ Wesley）都應該係下一個。事關畢業於美國名牌學府南加州大學，今年 26歲嘅 Wesley，一早已想加入娛圈發展，但因為唔想俾人話靠阿媽入行，所以大學畢業後佢去咗北京電影學院進修表演系，要靠自己咁話喎！

 

不過相當靚仔嘅Wesley，已經有一個喺香港連卡佛度做 OL嘅穩定女友劉凱茵（ Denise）， FBI聽聞佢兩個拍拖有兩年，而阿媽趙雅芝亦覺得 Denise唔錯，當佢新抱仔一樣喎！


北京電影學院未畢業已大把導演睇中 Wesley，上年佢喺微電影《北京之夏》內演古惑仔，而呢套戲仲入圍香港短片展，前途一片光明。 

幾年前跟媽咪去社交活動， Wesley已因為太靚仔而引嚟傳媒注意。據知 TVB都好有意思簽佢做「親生仔」，但被趙雅芝拒絕。《蘋果日報》圖片 

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄