close

FACEweekly

Alvin Goh展覽之星

來自新加坡的 Alvin Goh， 8年前來港發展事業，奈何識人唔多，試過 9個月冇 job，但因為唔肯放棄，後來遇上 Maggie Q，從此向上爬。近年佢漸漸由化妝師轉型為造型師，當過雜誌創作總監，又曾為化妝品牌、甚至聯同 K-11於巴黎搞藝術展，最近佢更與 Kiehl's合作，為 7位港台男星設計造型並舉行慈善相展，即睇佢憑乜優勝過人，成為展覽之星！

今次替 Kiehl's慈善展拍攝 7位港、台、新加坡型男，更直飛汶萊拍吳尊，難度最高是什麼？

今次 Kiehl's的相展對我來講真係一個突破！因為我只有 1個月時間去完成 7位男星的所有拍攝，非常有挑戰性，例如吳尊係我建議飛去佢汶萊的健身室進行拍攝的，我成個月一直 keep住好興奮的狀態去影相，反而𠵱家相展開幕前呢幾日瞓得唔好。

來自新加坡，但近年由化妝師轉型做形象總監，為何？

我對化妝師呢個稱呼好唔舒服， I'm more than a makeup artist，其實我只是來港後幫 Maggie Q化妝才被人誤會，後來亦曾為(A)Emma Watson、(B)Milla Jovovich及(C)Uma Thurman設計造型，我覺得𠵱家的角色隨每次工作而改變，有時係品牌代言、有時係形象總監。


A 

B 

C

近年同你合作的單位來自愈來愈多不同界別，你覺得自己有咩賣點？

我做 project有個 balance，既要令客人開心、又要過到自己高要求嗰關，感覺似煮餸咁，所有調味料都要剛剛好，當年來香港前，好友陳潔儀已讚過我可以將藝術同商業平衡得好好，結果𠵱家冇令佢失望。

未來有什麼新嘗試？

之前有香港電視台想搵我做主持，不過我啲廣東話實在太差啦。呀！我諗我可以做真人騷的評判，因為我可以好 critical，睇別人的作品畀到好多意見，我覺得我會做得幾 ok。

你有甚麼靈感繆思？

嘩，我呢個人好有 feel好多靈感，就算睇本歷史書、經過街市見到個師奶的衣着都諗到，但我靈感爆發得最多的時候係坐飛機，今次 Kiehl's相展中任賢齊的造型都係機上諗到。

好多人話你整過容，你點睇？

係呀！我知好多人講緊，一直好想澄清，我係做咗 1年刮痧 facial通淋巴，一個月做 2次，所以面形先尖晒，加上日日敷 cream mask令皮膚好似識發光咁，又經常四圍研究化妝技巧，連我自己都覺得個樣唔同咗！

Check！ Kiehl's× Alvin Goh× 7型男

Alvin早前與 Kiehl's合作的慈善相展名為 Be the Ultimate Men，由佢替吳尊、林峯、方中信、周柏豪、林俊傑、林德信及任賢齊 7位型男創作造型照，相展於上月假海港城舉行，並製成海報，為護苗基金籌集港幣 70萬。


撰文：曾曉嵐
攝影：吳偉業

arrow
arrow
    全站熱搜
    創作者介紹
    創作者 tvblive 的頭像
    tvblive

    tvblive娛樂八掛大放送★

    tvb4life 發表在 痞客邦 留言(0) 人氣()

    E-mail轉寄