Beauty Hunt
雷琛瑜 J.Arie 尖子攻略
唔一定要做女神或者叫 BB先入得行，有才華和靚聲，一樣有機會。
Paco旗下太陽娛樂今年力捧的新人雷琛瑜 J.Arie，去年港大法律系畢業，做律師本應大有前途，但她自言最大理想係唱歌。
讀大學期間，她試過呃住屋企人去夾 band，搞到被老豆扑穿頭仍然堅持要玩音樂。就係呢團火被 Paco睇中，終於踏上歌途。
雷琛瑜第一首派台歌〈第一志願〉，聲線像初出道的衞蘭，點擊率亦有近 5萬，新人嚟講唔錯喇！ 
未入行前與同學組過一隊 band「 Matchbox」，經常在朗豪坊、 apm等商場出騷，儲落不少演出經驗。
試音即簽
夾 band夾到爆頭，但冇令雷琛瑜放棄，終於被 RubberBand前成員藝琛睇中，介紹佢唱 demo之餘，仲將她介紹畀 Paco認識。「當日帶咗 6隻歌畀 Paco聽，頭兩隻佢一直冇出聲，到第三隻我唱 Rod Stewart嘅〈 Have I Told You Lately〉，佢先突然話『我要同你簽約』！嚇死我！」簽約後， Paco更為她改了 J.Arie這個英文名，她說 Arie代表優秀的動物的意思。
去年雷琛瑜港大法律系畢業，家人終於開綠燈畀佢做歌手。她說：「佢哋覺得我讀完書，可以行到自己嘅路，所以冇再反對。我亦知做歌手開頭好艱難，暫時未諗有冇機會攞新人獎，只係希望有人認得我把聲就得喇！」
Profile
姓名：雷琛瑜（ J.Arie）
身高： 164 cm
體重： 50kg
微博： JArie雷琛瑜（粉絲人數 593）
fb專頁： J.Arie雷琛瑜（粉絲人數 1,232）
雷琛瑜去年港大法律系畢業，最終選擇入行做歌手，好在父母亦由反對變支持。 
Paco當日聽咗雷琛瑜唱三首歌就決定同佢簽約，而年初的太陽春茗，雷琛瑜傍實 Paco和大師姐薛凱琪、已故的陳僖儀並排，擺明力捧。 
採訪、撰文：林通賢
攝影：葉曉明
髮型： Jo Lam@Queen's Private i
化妝： Francis
形象： Bryan@the flamming
留言列表
