尷尬彈開
買完傢俬，兩人更齊齊返回江希文香閨，直至晚飯時份，才見兩人落樓。記者上前拍照，兩人立即彈開，神情尷尬。已婚的輝哥手上無名指戴有婚戒。
滾熱辣
緋聞前經理人澄清關係 江希文洗底嫁胡漢清
43歲的江希文，去年標尾會下嫁身兼全國政協嘅資深大律師胡漢清，更隨即泵大個肚，為胡家繼後香燈。不過僅做了幾個月豪門少奶奶，江希文已捲入老公與奶奶莊永楚的爭產風波，被指拒奶奶於大宅門外，由暗星變身惡媳婦。
自去年尾與胡漢清行埋，江的言行亦備受注目。 09年她曾被本刊拍得與已婚經理人輝哥（余錦輝）冧爆睇大牀，傳出緋聞。不過，據知她為了順利入豪門，約半年前曾致電輝哥，要求對方寫信，特別澄清兩人只是合作夥伴關係，並非傳聞所指嘅情侶關係。
記招怒插
3月 21日，白韻琹陪契媽莊永楚開記招，力數胡漢清私吞其物業。
在周刊認錯
胡漢清被指在 21日的「和解飯局」中，一眼都冇望生母莊永楚，態度冷淡，但事隔 6天，卻透過周刊公開認錯：「我錯了。」《蘋果日報》圖片
當年莊永楚將麥當勞道大宅出售。 96年，剩下沙宣道豪宅，她佔有 23%業權。
胡母三大要求
親熱睇大牀
做得大律師老婆，江希文不但一改昔日豪放性感作風，衣着密實，就連昔日緋聞亦要一一謝絕。與胡漢清交往前，多年來失意樂壇的江希文，在港差不多銷聲匿跡，只知她近年跟着已婚的經理人輝哥（余錦輝）返大陸搵食。
09年，本刊曾拍下兩人冧爆睇大牀揀傢俬，其間輝哥親熱地掃女方背脊。雖然東窗事發，兩人掩面彈開，回應時又強調只是經理人與藝人關係，但女方承認當時她住的廣州寓所，價值 2百萬人民幣的「東風廣場」也是男方出錢買的物業。
不過，據知去年尾她與胡漢清交往不久，即親自打電話給輝哥，要求對方寫信，白紙黑字清晰交代兩人只是經理人及藝人關係。知情者話︰「輝哥收到個電話都好愕然。佢哋由 08年開始齊齊喺大陸搵食，工作人員都知佢哋關係好好，男方仲買樓俾女方住。雖然 3年後合約完咗，佢哋冇再一齊，但 Liz（江希文洋名）突然叫輝哥寫封信澄清關係，輝哥個心梗係唔舒服啦，佢估 Liz可能要同胡漢清交代啩。」
記者致電江希文求證，但連日來她的手提電話都未能接通，而其經理人輝哥則吞吞吐吐口窒窒回應。
09年 3月 親熱掃背
09年 3月，輝哥與江希文齊齊在廣州的傢俬舖睇大牀。輝哥親熱地用手為江希文掃背。
約有 6個月身孕的江希文，在英國養胎待產。未發生「母子反目」事件前，江更高調微博晒恩愛照。
經理人認寫信
記︰江希文半年前係咪打過電話俾你？
輝︰我哋間唔中都有聯絡嘅。佢係 call過我，但我唔記得係幾時。
記︰佢要你寫信，澄清同佢嘅緋聞，清晰交代你哋關係只係經理人同藝人？
輝︰……嗯……我哋嗰陣已經交代咗，可能佢想澄清番……
記︰封信寫俾邊個？
輝︰唔清楚，我依家好忙，唔講嘞。
說罷匆匆收綫。
據知，江希文此舉是為了老公胡漢清。知情者說︰「半年前，當時 Liz同胡漢清拍咗個幾月拖。佢話老公問過佢同輝哥嘅傳聞，始終輝哥係有婦之夫， Liz唔想俾段舊傳聞影響兩人嘅感情，咪叫輝哥寫番封信澄清囉。」
撐老公孝順
莊永楚與現任新抱江希文關係認真麻麻，相反她與第一任新抱張天愛的關係就相當融洽。
已懷孕 6個月的江希文，嫁雞隨雞。就老公與奶奶的錢銀風波上，當然力撐老公，不過她講嘢好小心，之前接受周刊訪問都同老公商量過，絕對配合另一半行動。如此識做，難怪胡漢清錫到佢燶。
「佢喺周刊為老公講盡好話，力撐對方係孝順仔，好愛媽媽，真係用心良苦。其實 Liz喺 06年同老外男友分手後，一直都好恨結婚，加上佢咁多年事業都唔如意，諗住疊埋心水嫁人相夫教子，連最鍾意嘅音樂都放低。佢之前都鍾意蒲吧，但識咗胡漢清後，不但戒蒲，仲走去進修英文，又去睇中醫補身生仔。佢依家個肚都差唔多有 6個月。」
自嘲褲穿窿
今年 62歲的胡漢清，即將再做老竇。曾結過三次婚的他，借傳媒公開家書，大吐苦水，指自己一力擔起三頭住家及母親開支，又要還離婚債，現金周轉困難，並形容自己︰「全香港人都見到我是襪和褲都穿孔了。」
胡漢清不愧為資深大律師，這邊廂借周刊公開認錯，說自己「我錯了」。那邊廂卻跟親母討價還價。莊永楚要求胡發還約 2千萬的生活費，最終他只肯付 400萬而已，但據知目前交到胡母手上的錢，只是 3月 21日兩人「和解飯局」中，寫給白韻琹的十萬元支票。但由於莊永楚加拿大新屋的樓花尾期支付限期到，她惟有變賣首飾，以解燃眉之急。
3月 21日，莊永楚與白韻琹在銅鑼灣怡東酒店下午茶，記者埋身訪問。其間她多次以手按面嗌頭暈，更向記者出示藥單。
心臟血管栓塞
莊︰我心臟血管栓塞，成日頭暈同心口痛，有時仲透唔到氣。依家同個仔搞成咁，情緒好低落，又冇胃口，又瞓唔着，瘦咗足足廿磅。一個人嚟講，最陰功係咩？就係又老又病又冇錢！我依家要賣首飾維持生活。
記︰個仔開咗張支票俾你，你覺得佢夠唔夠誠意？
莊︰咩支票？我唔知，冇見過！有冇誠意唔係用口講。
記︰係咪要個仔應承你三個要求至和解？
莊︰係！我成日問自己究竟做錯咩？佢（胡漢清）要咁對我，由細到大我俾最好嘅佢。我都咁大年紀，啲嘢遲早係佢，佢點解要咁做？我好痛心，依家我只想攞番自己嘅錢。
富家出身的莊永楚，更向記者苦笑自己臨老要學怎樣「慳住使」。當日，胡母腳步浮浮離開酒店，之後到了平民家品店掃貨。買完東西，她突然與姪女跳上的士，成功撇甩記者。
據知，和解飯局後，胡母亦心軟致電兒子，但胡漢清卻一直沒聽電話，令她情緒又再跌谷底。對於媳婦江希文，胡母沒多提一句，只向友人透露：「同呢個女人有乜關係，同佢見過一次咁大把。」此說法與江希文指與奶奶見過六次有出入。
等兒子悔改
據莊永楚好友透露︰「 Linda（莊永楚）見到張十萬蚊嘅支票好嬲，佢好痛心話︰『我係佢親生媽媽，我唔係乞！我俾佢嘅係億億聲，呢張支票算咩！』之後佢睇到個仔喺周刊認錯，亦好唔開心咁話︰『佢認錯又點，我等佢悔改！』 Linda呢幾日食咗藥都好唔舒服，佢有打過俾個仔，但 Alan（胡漢清）冇聽，不過 Linda個心日日都等緊個仔打俾佢。我哋見到都好心酸。」
本刊致電江希文胞姊江欣燕，她說：「我有睇報道，我無乜特別嘅睇法。我只係恭喜佢（江希文）搵到幸福。佢嘅生活，佢自己會處理，又唔係複雜嘅事。（妹妹有無向你呻過？）佢無呻過，好小事啫。」說畢便匆匆收線。
這個世道，有兒子因財斬殺父母，今次「莊胡母子情仇」明顯斯文好多。不過，要與獨子
請先 登入 以發表留言。