深水埗派飯人 Benson TsangBenson堅持每月尾到深水埗向弱勢社群派飯派物資已經兩年,愈派規模愈大,傍晚在玉器市場天橋底指揮兩百名義工及維持過千名輪候人士秩序,仍然神態自若。
搜尋氣
浸大生亂攞着數 派飯首領:我冇鬧錯佢哋
上月底,浸大生上莊呃贊助事件,熱爆 fb,引發全城聲討。揭發事件的 Benson Tsang認識北河街良心小店東主明哥,正是因為 Benson自掏腰包自發幫助深水埗弱勢社群已經長達兩年,兩年來全靠明哥不計成本全力支持,義工們才能夠用超值價 22蚊,買到三餸一湯飯盒送到有需要的人手上。
上周六( 30日),記者直擊平等分享行動成員冒雨在深水埗聚集派飯,雖然浸大學生最後認錯,但 Benson怒氣未消:「我冇鬧錯佢哋,再俾我揀,一樣會鬧,仲會鬧得再激啲!」
我正職係做室內設計師,香港讀書,中環開公司,從來冇接觸過弱勢社群,直到兩年前政府派 6,000蚊,我覺得政府有錢,應該擺喺更有需要嘅人身上,我哋有工作、有經濟能力,交得稅,冇諗過政府會因為一個政治原因咁樣去散啲錢。於是我搵咗 10個志同道合嘅朋友,大家都攞咗呢 6,000蚊出嚟幫人。呢個行為都係一種對政府嘅控訴同抗爭, ok,你唔做,我幫你做!
由兩年前開始,我日頭對住 180度無敵海景,去南區啲獨立屋睇景見客,夜晚就喺深水埗,對住一班冇樓住冇飯開嘅人。一個人去到低點,應該踩佢一腳定扶佢一把呢?問 10個人 10個人都話應該扶持,但實際做嘅人有幾多?我哋唔係組織亦唔係社團,我哋就係一班行動者,好似一盤散沙,但能力大過凝成一嚿石!
浸大事件主角、北河燒臘飯店東主明哥當日亦如常到場支持派飯行動,兩年來風雨不改出錢又出力。
浸大事件最後由 Benson提議, 5個學生團體集資向明哥買飯唿解決。而上週六當天, 5個莊都有同學到場支持平等分享行動,幫手派飯。
留言列表